BAGUIO CITY – Impasigurado ti Commission on Elections (COMELEC) – Cordillera nga awan ti mapasamak nga aberya iti panakaipatungpal ti 2019 midterm elections inton May 13.
Sigun kenni COMELEC – Cordillera Regional Director Atty. Maria Juana Valeza, naisimpan ti masterlist para iti nasao a basingkawel.
Kinunana a naikkat metten dagiti ‘flying voters’ ken dagiti dua ti nagana a botante.
Innayona a naurnos ti nasao a listaan iti napalabas a barangay election babaen iti panakaala ti biometrics wenno thumb mark dagiti botante.
Nupay kasta, inrekomendarna latta ti panagturong dagiti botante kadagiti presinto a pagbotosanda tapnu makasiguradoda a karaman ti naganda iti listaan dagiti agbotos.