BAGUIO CITY – Inwaragawag ti Department of Education (DepEd) – Benguet nga awan pay ti relocation site a nasarakanda para kadagiti pagadalan a naipasdek kadagiti hazard zones sadiay Itogon, Benguet.
Sigun kenni Benguet Schools Superintendent Marie Carolyn Verano, agtultutloy ti koordinasyonda iti local a gobyerno iti Itogon mainaig iti nasao a pakaseknan.
Kinunana a nasukimatda ti innem a pagadalan a napeggad ken karaman iti hazardous areas.
Inkalinteganna met nga uray maiyakar sadiay Teacher’s Camp dagiti pagdalan ket agsubli dagiti ubbing iti nagtaudanda a lugar gaputa marigatan ken napeggad dagiti dalyasatenda a kalsada.
Innayonna pay nga iti kanito a makabirokda iti napintas a lugar a pakaiyakaran ti pagadalan ket adda ti nakasagana a pondo ti DepEd a maipaay para kadagitoy. (-with Bombo Nikki Agsiweng and Bombo Brigitte Marcasi)
