Mangiruar manen ti Department of Social Welfre and Development (DSWD) iti baro nga identification cards para kadagiti Persons with disability (PWD).
Sigun kenni DSWD Asec Irene Dumlao, aramidenda daytoy tapno maikkat dagiti bogos a PWD ID cards.
Innayonna a daytoy ti addang ti nasao nga ahensia kadagiti reklamo seknan iti peke a persons with disability IDs.
Kabayatanna, impakaammo ti DSWD a dumanon iti agarup P88.2 Billion a tax idi 2023 ti lugi ti gobierno gapu iti peke nga identification card dagiti PWD.
Sigun pay kenni Dumlao, umad-adu dagiti peke a PWD ID bayat nga immado met ti agkidkiddaw iti diskuento.
Malaksid iti dayta, immadu dagiti mangkayat a maipangpangruna iti pila, paradaan ken benepisio a maited kadagiti persons with disability.
Kabayatanna, dagiti baro nga ID ket addaan iti physical ken digital versions a nalaka a maberipikar iti online.
