BAGUIO CITY – Dinayyeg ti magnitude 3.2 a gingined ti munisipyo ti Kabayan, Benguet idi rabii.
Segun iti Phivolcs, nailista ti sentro ti nasao a gingined, dua a kilometro iti daya ti nasao a munisipyo.
Addaan daytoy iti kauneg a tallopulo ket lima a kilometro.
Awan met ti nailista a nadadael ken aftershocks iti nasao a gingined.
Iti sabali a benneg, agtultuloy met ti panangpalagip dagiti local chief executives kadagiti minero a saanda pay a sumrek kadagiti usok dagitoy ita a panagbabagyo tapnu maliklikan ti anyaman nga aksidente.
Nabalakadan metlaeng dagiti hikers ken trekkers a saanda pay a patuloyen ti panggepda a panagturong kadagiti bambantay para iti seguridad dagitoy.
Iti agdama ket agtaltalinaed iti blue alert status ti operations center ti Office of Civil Defense Cordillera ken nakasaganan dagiti maseknan nga ahensia ken opisina kadagiti posible nga epekto ti bagyo nga Odette.
