Nainaguraranen ti Cabaruan Solar-Powered Pump Irrigation Project (SPIP), ti kadaklan a solar-powered pump irrigation project ti pagilian a naipwesto sadiay Quirino, Isabela.
Dumanun iti P65.7-million ti pondo a nailatang para iti daytoy nu sadino, manamnama a makatulong kadagiti agarop 237 a mannalon.
Iti panagbitla ni President Ferdinand Marcos Jr.,dinakamatna a sipud nagtugaw daytoy kas presidente ti pagilian ken agriculture secretary, inkarina a pasayaaten ti sektor ti agrikultura nu sadino, sigun kenkuana ti irigasyon ti maysa kadagiti kangrunaan a makatulong kadagiti mannalon.
Innayonna a ti sobra nga enerhiya a mapataud dagiti solar panels ket mabalin a maaramat iti national grid.
Ti Cabaruan Solar-Powered Pump Irrigation Project (SPIP) ket proyekto ti National Irrigation Administration (NIA) iti sidong ti Magat River Integrated Irrigation System (MARIIS).
Kabayatanna, imbinglay ti presidente a dumanunen iti 82 a solar-powered pump irrigation projects ti nalpas idi napan a tawen, 152 ti maar-aramid paylaeng, bayat a 118 pay ti mapangpanggep a marugyan.
