BAGUIO CITY- Nakastrek iti top 10 ti Philippine Military Academy Mandirigmang Samahan ng Lakas at Sandigan ng Bayan wenno PMA BAGSIK-DIWA Class of 2022 ti maysa a kadete manipod iti Baguio City ken dagiti dua pay a Cordilleran nga umawat iti Special Awards.
Nagun-od ni Cadet 1CL KEVIN JOHN PASTRANA manipod Irisan, Baguio City ti maikadua a pwesto ken daytoy ti Salutatorian ti klase.
Gapu iti daytoy maawat ni Pastrana ti ti Vice Presidential ken Philippine Air Force Saber Award, Australian Defence Best Overall Performance, Information Technology Plaque ken Air Force Professional Courses Plaque.
Iti panagbitla ni Pastrana, imbinglayna nga agserbi kas ladawan iti panagturposna dagiti sursuro, panangidaulo ken kapadasanna iti uneg ti akademya.
Awan met ti aniaman nga babawina iti iseserrekna iti uneg iti PMA gaputa dakkel a parte daytoy iti kinasiasiano daytoy nangruna nu maaramidna dagiti akemna nga agturpos.
Kabayatanna, karaman met kadagiti Top Performing cadets ti maysa nga kadete manipod probinsia ti Kalinga ken iti Baguio City.
Babaen daytoy ni Cadet 1CL Maryknoll Cuis manipod Tanudan, Kalinga nga umawat iti Aguinaldo Saber Award ken Department of Tactical Officers Plaque ken ni Cadet 1CL Dirk Kiryl Davalan ti Baguio City nga umawat ti Chief of Staff Saber Award.
