Naiturong iti ospital ti sigud a Maintenance Division chief ti Department of Public Works and Highways-Mimaropa a ni Juliet Calvo kalpasan a na-stroke bayat a nakabalud iti Women’s Dorm sadiay Camp Karingal.
Maysa ni Calvo kadagiti napilaan iti malversation case a kadua ni sigun Congressman Zaldy Co gapu iti substandard a P289-million flood control project sadiay Naujan, Oriental Mindoro.
Sigun iti abogado ni Clavo, paralisido daytoy ken saan a makasao.
Kabayatanna, pinatgan ti prosecution ti kiddaw ni Calvo para iti hospital arrest.
Nupay kasta, binilin ti anti-graft court dagiti doktorna nga agparangda iti korte tapno ireportda ti kasasaadna sakbay nga agipaulog daytoy iti resolusion.