Saan a dimmar-ay ti kagedwa a bilang dagiti senador iti maikalima nga State of the Nation Address (SONA) ni President Marcos Jr. idi July 28, 2026.
Maymaysa laeng ni Sen. Camille Villar a dimmar-ay manipud iti 11 a kameng ti Senate minority.
Dagiti minority senators a saan a dimmar-ay ket pakairamanan ni Senate Minority Leader Alan Peter Cayetano; ti kabsatna a ni Senator Pia Cayetano; da Senator Robin Padilla, Loren Legarda, Mark Villar, Christopher “Bong” Go, Imee Marcos.
Paikairaman daytoy da Senator Rodante Marcoleta ken Jinggoy Estrada a nakabalud iti Quezon City jail gapu iti nonbailable plunder charges ken ti aglemlemmeng a ni Senator Ronald “Bato” Dela Rosa.
Inaklon ni Sen. Imee Marcos a nasakit ti nakemda agsipudta adda dagiti kakaduada iti minoria a naidarum ken naibalud.
Sigun met kenni Sen. Padilla, saan a dimmar-ay iti SONA gapu iti family affair bayat nga immun-una a kinuna ni Sen. Alan Cayetano a buyaenna ti SONA iti telebision.
Kabayatanna, tallo a kameng ti majority bloc ti saan a dimmar-ay a pakairamanan ni Senate President Pro Tempore Vicente “Tito” Sotto, Sen. Panfilo Lacson ken Bam Aquino.
Sigun kenni Sen. Sotto addaan daytoy iti panateng ken saanna a kayat a makaakar.
Iti agdama, awan paylaeng ti rason nga inruar da Senator Lacson ken Aquino iti saanda a panagdar-ay iti maikalima a SONA ni President Marcos Jr.