Pimmusayen ni John Tinniswood, maysa nga Englishman a naipasangay iti agpada a tawen a limned ti Titanic ken nakalasat iti dua a gubat sangalubungan ken dua a pandemia, iti tawenna a sangagasut sangapulo ket dua, sigun iti Guinness World Records idi kalman, makabulan kalpasan a nabigbig daytoy a kataengan a lalaki iti sangalubungan.
Pimmusay ni Tinniswood itay kanikadua iti maysa a care home idiay Southport, amianan a laud ti England, a napalikmutan iti “musika ken ayat”, kinuna ti pamiliana iti Guinness World Records.
Naipasangay idi Agosto 1912 idiay Liverpool, ken naam-ammona ti asawana a ni Blodwen iti maysa a sala sakbay a nakiasawa kenkuana idi 1942.
Nagserbi daytoy kas Royal Army Pay Corps bayat ti maikadua a gubat sangalubungan.
Nangged pay ni Tinniswood kas accountant iti oil industry sakbay a nagretiro iti tawenna nga innem a pulo.
Pimmusay ti asawana idi 1986.
Idi binigbig daytoy ti Guinness World Records kas kataengan a lalaki idi bulan ti Abril iti agdama a tawen, kinuna ni Tinniswood nga awan ti dakkel a sekreto ti napaut a panagbiagna, nga impapilitna a daytoy ket “gasat laeng”.
