Kalapaw ti maysa a konsehal nga inabangan dagiti turista sadiay Kabayan, Benguet, nauram

BAGUIO CITY – Mapattapatta a dumanon iti P120, 000 ti pakabuklan a gatad dagiti nauram a kagawaan iti kalapaw ti maysa a konsehal sadiay Benguet a pinaabanganna kadagiti turista, partikular sadiay Balbalak, Bashoy, Kabayan, Benguet idi kalman.

Naamoan nga impaabang ni Councilor Dan Guinsiman ti nasao a kalapaw iti lima a turista.

Pimmanaw dagiti nasao a turista idi parbangon kalman ngem kalpasan ti maysa nga oras ket nakita laengen dagiti residente sadiay ti panakauram ti kalapaw a naaramid iti pine wood ken cogon grass.

Pinadas dagiti residente sadiay a sebseban ti uram ngem napaay dagitoy.

Dukduktalen ita ti BFP nu anya ti rason ti nasao nga uram.