Nagbaliw ti desision ni Olympian boxer Hergie Bacyadan ken daytoy ket makipaset iti 33rd Southeast Asian (SEA) Games.
Ti panagbaliw ti desisionna ket kalpasan a nakatungtongna da Association of Boxing Alliances of the Philippines (ABAP) secretary general Marcus Manalo ken Philippine Olympic Committee (POC) secretary Wharton Chan iti posibilidad a sumango daytoy iti women’s 70 kilogram division.
Kinuna ni Bacyadan a nakaala daytoy iti suporta manipod iti ABAP ken POC nu sadinno nainget ti panagsanayna tapno magun-od ti umno a timbangna.
Makaduana da Olympians Eumir Marcial, Nesthy Petecio ken Aira Villegas tapno mapasayaat ti pangabakna iti boksing a nakaala iti uppat a balitok, lima a silver ken bronze medal idi 2023 SEA Games idiay Cambodia.
