Impasigurado ni House Committee on Good Government and Public Accountability Chairperson Representative Joel Chua a makitinnulong ti komitena iti imbestigasion ti Office of the Ombudsman iti mapapati a saan a nasayaat a panagaramat ti confidential funds ti Office of the Vice President ken ti Department of Education idi secretary paylaeng ni Vice President Sara Duterte.
Nagballaag ni Ombudsman Samuel Martires a mabalin a ma-cite in contempt ti komite ni Chua nu saan a makitinnulong daytoy iti imbestigasion.
Sigun kenni Chua, dagosda a mangisubmitir ti “reply” iti kanito a mangisubmitir ni Vice President Sara Duterte iti sungbat tapno mai-attach ti dadduma pay a transcript ken dadduma pay a dokumento nga ebidensia a nakabasar iti committe report.
Kabayatanna, immunan a kinuna ni Atty. Princess Abante, pannakangiwat ti Kamara, a saanda a nangipila ti aniaman a reklamo iti Ombudsman.
