Impakaammo ni Bicol Saro Party-list Representative Terry Ridon a nakasaganan ti Kamara a mangawat iti maipila nga impeachment complaint kontra kenni Vice President Sara Duterte.
Daytoy ket apaman nga agpatengga ti one year bar rule inton February 6 kadagiti immunan a naipila nga impeachment complaints kontra iti bise presidente idi napan a tawen.
Maipalagip nga itay nabiit ket indeklara ti Korte Suprema nga unconstitutional ti maikapat nga impeachment complaint kontra iti bise presidente a naisumitir iti Senado idi February 5, 2025.
Sigun iti nasao a korte, nalabsing ti Article XI, Section 3 (5) iti 1987 Constitution iti naudi a kaso.
Kabayatanna, impetteng ni Ridon a raraemenda ti desisyon ti Korte Suprema ngem kinunana a nalawag nga apaman a madanon ti February 6 ket nakasagana ti Kongreso nga umawat ken mangdengngeg kadagiti maipila a baro nga impeachment complaints kontra kenni VP Sara.
