Nagpalagip manen ti kameng iti Northern Exotic and Wildlife Troopers (NEWT) iti publiko maipapan iti panagruar ti nagduduma a kita ti uleg nangruna ita a mapasaranen ti panawen ti panagtudo.
Kasaruno paylaeng ti report nga adda dagiti nagduduma nga uleg iti makitkita iti Rehiyon Cordillera a kas iti green vit viper ken rat snakes.
Iti interview ti Bombo Radyo kenni Doctor Sean Serrano ti Northern Exotic and Wildlife Troopers (NEWT), kinunana a rumbeng a saan nga igganan ti maysa nga uleg apaman a nakakita nangruna nu saan a sigurado nu anya a kita daytoy iti uleg.
Imbinsa-binsa ni Serrano nga adda ti dua a kita ti uleg a naklasipikar kas “venomous” ken “non-venomuous”.
Karaman kadagiti non-venomous ket ti brown-rat snake ken mailadawan nga addaan ti “pupils” iti matana a kas iti tao ken maris duyaw ti matana, garter snake a mangmangan ti alutiit, sharp snake nga addaan maris a black and white nu babassit dagitoy bayat a maris “olive green” nu dadakkel dagitoy ken mangmangan ti igges ken “snails” bayat a ti venomous ket ti Philippine pit viper nga addaan ti “triangle” nga ulo ken addaan ti “hood” ken ti Philippine cobra a maibilang kas “highly venomous”.
Sigun kenni Serrano, ti Philippine pit viper a naibilang kas “venomous” ket saan a makapatay nu makagat nu diket ti laeng paset ti bagi a nakagat ti maapektaran.
Nu pay kasta, mabalin a mangitunda ti ipupusay ti maysa nga indibidual nu saan a dagos a mataming ti paset a bagi a nakagat.
Gapu iti dayta, nagballaag ti nasao a doktor a dagos nga agbirok iti propesyunal a tulong wenno dagos nga ireport iti maseknan nga ahensia a kas iti Philippine National Police, ken Department of Environment and Natural Resources apaman nga adda ti uleg a naimatangan wenno nasarakan.
Kabayatanna, impaganetget ni Doctor Serrano a saan a mabalin a kanen ti nagduduma kita ti uleg a kas ti kadawyan nga ar-aramiden dagiti natataengan idi umuna a panawen.
Sigun kenni Serrano, posible a mangitunda daytoy ti pannakagun-od ti sakit nangruna ta adda ti nadiskobre dagiti eksperto a “parrasites” a maaw-awagan kas “pentatsomes”.
Ti “pentatsomes” ket maysa a kita iti “bulate” nga agnanaed wenno nakadulin iti bagi ti uleg nu sadinno, saan a matmatay daytoy numan pay mailuto.
