Naituding nga agturong dagiti kameng ti Commission on Elections partikular dagiti kameng ti Election Information Department manipod Metro Manila paturong idiay Tabuk City, Kalinga tapno ipakita ti baro a makina a maaramat para iti umadanin nge eleksion inton 2025.
Iti interview ti Bombo Radyo kenni Atty. Julius Torres, Regional Director ti Commission on Elections – Cordillera, posible nga agturong dagitoy inton Setiembre disi sais la ketdi saan nga agtudo ti napigsa wenno mapasaran ti bagyo.
Panggep dagiti kameng ti nasao a departamento tapno maipaayan ti impormasion dagiti umili iti nasao a lugar seknan iti baro a makina a maaramat iti umadanin nga eleksion.
Maibasar iti kaudian a listaan ti nasao nga ahensia, dumanonen iti nasurok kagudua a makina manipod iti punitiriada a bilang ti naideliver iti Pilipinas a nagtaud pay idiay South Korea.
Sigun kenni Torres, nasukimat dagiti makina ken kinunana a nasayaat met dagitoy.