Inyusuat ti Philippine National Police-Internal Affairs Service (PNP-IAS) ti motu proprio nga imbestigasion iti napasamak a pammaltog a mapapati a nakairamanan ti panangpaltog ti maysa a polis iti maysa a drayber ti motorsiklo.
Maibasar iti report dagiti otoridad, ti insidente ket sinaksian ti maysa a kameng ti House of Representatives.
Iti inisial nga statement, kinuna ti mammanday-linteg a ni ACT Teachers Partylist Representative France Castro a nangrugi ti pammaltog iti Bonifacio Global City.
Nupay kasta, iti simmaruno a panagberipikar ti Southern Police District ti nangpasingked a napasamak ti insidente iti Makati City.
Iti report ti nasao nga opisina, napasamak ti pammaltog kabayatan ti operasyon ti pulisya kontra iti snatcher-robber a nakamotorsiklo.
Sigun kenni Philippine National Police-Internal Affairs Service (PNP-IAS) Inspector General Atty. Brigido Dulay, maimbestigaran ti nasao nga insidente tapno maduktalan ti rason ti pammaltog ken tapno maamuan ti aniaman a posible a panaglabsing nga inaramid ti nairaman nga opisial.
