--Ads--
Naipaayan ti pammadayaw ni Seaman First Class Underwater Operator Jeffrey Facundo ti pammadayaw idiay Puerto Princessa City, Palawan ita nga aldaw.
Napukaw ni Facundo ti tangan a ramayna iti napasamak nga insidente iti nagbaetan dagitoy ken ti kameng ti China Coast Guard idiay Ayungin Shoal itay laeng nabiit.
Malaksid kenni Facundo, naipaayan metlaeng ti award dagiti daduma pay a Pilipino a nadangran iti nasao nga insidente pakairamanan dagiti pito pulo ket siam(79)a military personnel a paset ti naipatungpal a misyon.
Kagiddan dayta, impasigurado ni President Ferdinand Marcos Jr. nga amin dagiti awardees ket agtultuloy a bantayan ti gobyerno, kasta metten ti panakaipaay ti amin a kasapulanda ken ti kinatalged ti papamilyada.
