BAGUIO CITY – Pasaysayaaten ita ti Population Commission (PopCom) ti kampanya dagitoy tapno malapdan ti panangngato ti teenage pregnancies wenno panagsikog dagiti ubbing a babbae.
Sigun kenni Cecil Basawil, Officer-in-charge ti PopCom- CAR, pinabaro da ti panagtinnulong dagitoy iti Education (DepEd) tapno mangipatungpalda iti sex education saan laeng a kadagiti estudyante no di ket uray kadgiti miyembro ti Sangguniang Kabataan.
Patien ti POP-COM a napateg ti panakaikonsidera ti umno nga edad ken impormasyon iti panakaipatungpal ti nasao a programa tapno malapdan ti panagsikog dagiti agtutubo.
Maipalagip a manipud inero nga idi napan a bulan, nailista ti 108 a teen-pregnancies iti siyudad ti baguio, a ti kaubingan ket agtwen laeng iti 13 years old.
Immuna iti daytoy, naaramat ti Sexually Healthy and Personally Effective (SAPE) module babaen iti Department of Education a nakaisuruan dagiti mannursuro tapno aramatenda iti age-appropriate sex education curriculum dagitoy.
