BAGUIO CITY – Agtultuloy ti nainget a kampanya ti Public and Order Safety Division (POSD) kontra iti vape ken sigarilyo iti Baguio City.
Iti interview ti Bombo Radyo, kinuna ni Darryl Kim Longid, dadaulo ti Public and Order Safety Division-Baguio nga adda dagiti sumagmamano nga indibidual a tiniliwda bayat ti nainet a panagbantay ken panagwanawanda iti nagduduma a paset ti siyudad.
Sigun pay kenkuana, nainget metlaeng ti monitoringda kadagiti business establishments partikular dagiti asideg iti pagadalan tapno maliklikan ti panaglako ken panag-usar ti vape ken sigarilyo.
Impettengna a naiparikep dagiti sumagmamano a pagtagilakuan kalpasan a natiliwan dagitoy nga aglaklako ti vape.
Kabayatanna, bambantayan metlaeng ti nasao nga opisina dagiti indibidual nga agar-aramat ti firecrackers nu sadino addan ti natiliw dagitoy.
Iti sabali a bangir, palpalagipan manen ni Longid ti publiko nga agannad kontra iti salisi gapu ta agraraira manen daytoy kagiddan ti umadanin a paskua ken baro a tawen.//Rosemarie Bulsao
