--Ads--
Tarigagay latta ti Baguio City a mapagtalinaed ti posisyon daytoy kas kampeon iti Cordillera Administrative Region Athletic Association (CARAA) Meet 2025.
Iti panakiuman ti Bombo Radyo kenni ni Engr. Bonifacio Dela Peña, City Administrator iti Baguio, kinunana a kadagiti napalpalabas a CARAA Meet ket napagtalinaed ti siudad ti panagbalin daytoy kas kampeon rason a mangnamnama manen dagitoy iti kapada a posisyon.
Mainaig iti dayta,paparpartaken ti City Administrator ti panakatarimaan ti Athletic Bowl tapno mabalinen nga aghost wenno mangsangaili ti siudad ti Baguio iti Cordillera Administrative Region Athletic Association (CARAA) Meet inton sumaruno a tawen.//Bombo Mera Pacpacan
