Inlawlawag ti kampo ti asawa ni Vice President Sara Duterte a ni Atty. Manases Carpio a saanda a panggep a pasardengen ti impeachment proceedings kontra kenni Vice President Sara Duterte.
Daytoy ket kalpasan iti panangibasura ti Quezon City Regional Trial Court Branch 81 iti petisyon ti kampo ni Carpio gapu iti maaatap a kaaawan hurisdisyon daytoy iti nasao a kaso.
Sigun kenni Atty. Neil Abayon, pannakangiwat ni Atty. Manases Carpio, awan ti dadduma a panggep ti bennegda nu di ket lapdan ti maatap a saan nga otorisado a panangiwaragawag ti confidential documents da Atty. Carpio ken ni Vice President Sara Duterte.
Inlawlawag pay ti nasao nga abogado nga awan anyamanna kadakuada ti panangibasura ti korte iti petisyon ni Atty. Castro.
Nupay kasta, ikonsiderada latta ti mangipila ti motion for reconsideration wenno saan, agapelada iti nangatngato pay a korte.
Iti agdama, obobserbaranda pay laeng dagiti sumaruno nga addang ti Kamara seknan iti impeachment complaint kontra kenni Vice President Sara Duterte ket ti posible a pannakairaman ni Atty. Carpio nga asawa daytoy. //bombokaren.c.s
