Napigsa ti pakinakem ti kampo ni Kingdom of Jesus Christ (KOJC) lider Apollo Quiboloy a mailaksid ti kasona a child and sexual abuse a naipila kontra kenkuana iti Quezon City Regional Trial Court (RTC) Branch 106.
Sigun kenni Atty. Israelito Torreon ti legal counsel ni Quiboloy, immunan nga imbasura iti City Prosecutor’s office idiay Davao ti nasao a kaso.
Nupay kasta, naibutaktak manen ti nasao a kaso ni Quiboloy bayat iti imbestigasion ti senado.
Impaganetget met ni Torreon a natibtibker ti pammaneknekda iti kinainosente ni Quiboloy ken mamatida nga inosente daytoy kadagiti aligasion kontra kenkuana.
Kabayatanna, timmabuno dagiti abogado ni Quiboloy iti hearing idi Mierkules, Septemeber 25, 2024 ngem naitantan manen ti pre-marking dagiti naiparang nga ebidensia.
Gapu iti dayta, naituding intun sumaruno a bulan ti pre-marking dagiti nasao nga ebidensia.
