Pinaglibakan ti kampo ni Kingdom of Jesus Christ leader Pastor Apollo Quiboloy dagiti baro nga alegasion ken pammabasol kontra iti kliyentena.
Sigun kenni Atty. Israelito Torreon, abogado ni Quiboloy, atiddog ti panagsaritada kenni Quiboloy idi kalman ti rabii ken karaman iti napagsaritaanda ket dagiti alegasion kontra kenkuana a naklaatan ti pastor.
Impaganetget ni Torreon nga awan ti “angels of death” ni Quiboloy, nu diket addaan daytoy ti ‘angel warriors’ a mangikarkararag para iti pastor.
Ti maaw-awagan nga “angels of death” ket mapapati a pribado a buyot ni Quiboloy a maar-aramat a panangbuteng kadagiti nabiktimana iti panangabuso.
Pinaglibakan metlaeng ni Atty. Torreon ti alegasion nga adda ti insagot ni Quiboloy kenni sigud a President Rodrigo Duterte.
Kabayatanna, napagsaritaan metlaeng ni Torreon ken Quiboloy ti pre-conference ken pre-markings ti ebidensia inton Setiembre 25 bayat a ti pre-trial proper ket mangrugi inton October 17 para iti sangsanguenna a kaso a qualified human trafficking iti Regional Trial Court idiay Pasig City nga awanan ti piansa.
“Perhaps that’s the most preposterous charge against him af course that is not true and as a matter of fact nakakasuka na po yan na kababuyan na paratang against sa aking kliyente, that did not happen nor will not ever happen because the teachings of Pastor Apollo Quiboloy is for redemption of souls, for saving of souls and not throwing the souls into hell.”
Atty. Israelito Torreon, abogado ni Quiboloy
