Panggep ita ti kampo ni Senator Bato Dela Rosa a mangipila iti motion for reconsideration iti Korte Suprema kalpasan nga inbasura daytoy ti kiddaw da a temporary restraining order (TRO) kontra iti posible a pannakaiserbi ti warrant of arrestna manipud iti International Criminal Court (ICC).
Iti maysa nga statement, impakaammo ti legal team ni Senator Dela Rosa nga araramidenda amin a legal a remedy tapno kwestionaranda ti nagbalin a desisyon ti Korte Suprema.
Sumangsango ni Senator Bato Dela Rosa iti reklamo a crimes against humanity seknan iti nadara a kampanya kontra iti illegal a droga idi administrasyon ni sigud a President Rodrigo Duterte manipud 2016 agingga 2022 no sadino nagserbi daytoy kas Philippine National Police Chief.
Agingga iti agdama, awan pay laeng ti makin-ammo iti eksakto a lokasyon ti senador kalpasan a rinummuar daytoy iti senado parbangon ti Mayo, manu nga oras kalpasan iti napasamak a pannagpinnaltog iti uneg ti senado. //bombokaren.c.sapirao