Kidkiddawen ita ti kampo ni sigud a President Rodrigo Duterte iti International Criminal Court (ICC) ti panaka-diskwapilikar ti talo a baro nga abogado dagiti biktima ti war on drugs gapu iti maatap a conflict of interest.
Ti nasao a mosyon ket inpila ti abogado ni sigud a president Duterte a ni Nicholas Kaufman manipud Pre-Trial Chamber 1 no sadino kidkiddawenna a bawien ti nasao a korte ti pannaka-appoint da Joel Butuyan, Gilbert Andres, at Nicolene Arcaina kas Common Legal Representatives dagiti biktima gapu iti patienna nga adda iti pabpaboran dagitoy.
Innayonna a maysa kadagiti abogado ti maatap a mangbatbatikos ti legal nga estratehiya dagitoy iti social media ken dinakamatna a ni Arcaina ket maysa a sigud nga staff lawyer ti CenterLaw Philippines, no sadino ket konektado kada Butuyan ken Andres, kayatna a sawen posible a mangipakita ti professional connection nga saan a mailinya iti integridad ti hearing.
Isingsingasing met ti nasao a kampo a ti nalaeng Office of Public Counsel for Victims ti mang-iggem ti interes dagiti biktima tapno maliklikan ti pannakaitantan ti umadani a confirmation of charge hearing. // Bombo Karen Calpoe Sapirao
