Patien ni sigud a Senator Antonio Trillanes IV nga adda ti sumagmamano nga addang tapno malapdan ti impeachment trial ni Vice President Sara Duterte.
Sigun kenni Trillanes, adda ti addang nga ar-aramiden ti kampo ni VP Sara ken dagiti supporters daytoy.
Maysa kadagiti kangrunaan nga addang ti tuloy-tuloy a panagaramid dagiti 18 a sigud a marines iti storya tapno madadael dagiti personalidad a mangidurduron iti impeachment complaint.
Karaman ditoy ti sumagmamano a destabilization effort tapno malapdan ti trial wenno maaddaan iti kontrobersiyal nga isyu.
Impetteng ni Trillanes a panggep ti kampo ti Bise Presidente a maadddaan iti ‘political outrage” ti trial ken pumabor kenkuana ti opinion ti publiko.
Nupay kasta, saan daytoy a napasamak isu’t gapuna nga atapen ni Trillanes nga agar-aramid ti kampo ti bise presidente iti dadduma nga addang tapno malapdan daytoy.
