Immanamong ti kampo ni Vice Presidet Sara Dutere a maluktan ti Bureau of Internal Revenue (BIR) box a naglaon kadagiti tax documents dagitoy nga agassawa.
Nupay kasta, kiniddawda a maluktan laeng iti executive session ken saan a maiparang iti publiko.
Iti agdama, addan iti Senate impeachment court ti BIR box a naglaon kadagiti dokumento a mabalin a maaramat kas ebidensia iti impeachment trial kontra iti bise presidente.
Mapapati a nilaon ti nasao a kahon dagiti income tax returns ken negosio da VP Duterte ken ti asawana a ni Manases Carpio.
Maipalagip a kabayatan ti immuna pre-trial conference, saan nga immanamong ti kampo ni Duterte a maluktan ken mamarkaan kas ebidensia ti nasao a kahon.
Nupay kasta, namnamaen dagiti House Prosecutors a makatulong daytoy iti imbestigasion kalpasan nga immanamong ti depensa a maluktan daytoy.
