Naangay ti Provincial Joint Security Coordinating Control Command Conference idiay Abra idi April 24 a nakipasetan ti acting governor, dagiti kameng iti Philipppine National Police, Special Forces, Armed Forces of the Philippines, Commission on Elections, ken daduma pay nga stakeholders.
Iti panakiuman iti Bombo Radyo kenni Atty. Reyman Solbita, election officer iti Commission on Elections-Bangued,Abra, napagnunumwanda iti nasao a conference ti deployment plan dagiti tropa kadagiti polling centers para iti 2025 Midterm Elections.
Nupay kasta, imbinglay ti opisyal a maipinal paylaeng daytoy bayat ti maudi a command conference a maangay inton May 5.
Sigun kenni Atty. Solbita, kurang ti bilang dagiti maideploy a kameng iti pulisya nangruna ta adda dagiti mapaspasamk sadiay nga election-related incidents.
Kinuna ti opisyal a dua laeng a pulis ti agbantay iti tunggal voting centers nga asideg iti munsipyo bayat nga uppat met ti agbantay kadagiti adayo a lugar.
Gapu iti dayta, maysa a kidkiddawen ti maseknan a poll body ti panakanayon dagiti tropa iti Armed Forces of the Philippines ken kameng iti pulisya nga agbantay kadagiti pagbutusan partikular idiay Bangued, Abra tapno saan nga agbuteng dagiti mannursuro nga agserbi inton eleksyon.//Bombo Rob Dominguez
