Kitkitaen ti kameng ti Bureau of Fire Protection-Baguio City ti panakaipasdek iti kanayonan a substation dagitoy.
Sigun kenni Fire Superintendent Mark Anthony Dangatan,ti baro a Firemarshal iti siudad, tutukan dagitoy nu anya ti kasayaatan nga aramiden tapno maliklikan ti uram.
Impeksa ni Dangatan a maysa a makatulong ti panakaadda iti baro a substation para iti panakapasayaat iti panagresponde wenno response time dagitoy kadagiti insidente ti uram.
Kas baro a city firemarshal, impanamnama ni Dangatan nga ituloyna ti programa ti sinukatanna iti akem a ni Fire Superintendent Mirasol Odiver partikular ti refresher kadagiti kameng iti Bureau of Fire Protection nu sadino, manamnama a maiyimplimintar daytoyen.
Mainaig iti dayta, kinuna met ni Mayor Benjamin Magalong a maadaaan metlaeng iti baro a Regional Headquarters ti Bureau of Fire Protection.
Sigun kenni Mayor Magalong,immuna a gandatda nga agaramid iti city headquarters ngem nagdesisyonda a pagbalinen daytoy a regional headquarters.
Gapu iti dayta, ti sigud a pondo para iti daytoy a PhP15million ket mapagbalin a PhP35million.
Innayon ti mayor a nasaysayaat ti baro a panakaipasdekan iti BFP office gapu ta sigun kenkuana ket mas accessible daytoy nu idilig iti agdama nga opisina ti nasao nga ahensya a prone wenno kadawyan a maap-apektaran iti sasaaden iti trapiko.//Bombo Noveh Organo
