![](https://img.bomboradyo.com/baguio/2019/06/abra-police-arms.jpg)
BAGUIO CITY – Nakaawat ti Abra Police Provincial Office iti nagduduma nga equipment, pakairamanan ti lugan manipud iti Police Regional Office Cordillera.
Indauluan ni Cordillera Police Regional Director Israel Ephraim Dickson ti panakaipaima ti dua a patrol car para kadagiti municipal police stations ti Dolores ken Lagayan.
Naited pay iti Abra PNP ti 19 a bulletproof vest, 259 a pistols ken 2,310 a long magazines.
Napasamak ti turn-over ceremony sadiay Camp Juan Villamor, Bangued, Abra idi kalman.
Manamnama a babaen iti kanayonan nga equipment ket mairtengan ti kinasagana dagiti pulis ken ti panagresponde dagitoy tapnu agbalinda a mas capable, effective, ken credible a pwersa ti pulisya.
Immuna iti daytoy, naited ti pammadayaw kadagiti istasyon ti pulisya sadiay Abra gapu iti nagbalin a performance dagitoy iti PNP Patrol Plan 2030.