Kanayunan a $1.5 million nga emergency life-saving assistance, ipaay ti US iti pagilian a Pilipinas

Mangipaay ti US government ti $1.5 million nga emergency life-saving assistance iti pagilian kalpasan dagiti pannakadadael nga intunda dagiti bagyo.

Sigun kenni US Ambassador MaryKay Carlson, mangipaay dagitoy ti humanitarian assistance, disaster response (HADR) babaen kadagiti family food packs (FFPs) kadagiti apektado a lugar.

Sipud November 15, 2025, nangilatang ti Department of Social Welfare and Development (DSWD) ti 10,000 a family food packs sadiay Cantaduanes.

Kabayatanna, impeksa ni Defense Secretary Gilbert Teodoro a babaen iti daytoy ket mapatibker ti aliansa ti Estados Unidos ken Pilipinas tunggal adda dagiti mapasamak a didigra.