Imbinglay ni Dr. Celia Flor Brillantes, head iti City Health Services Office-Baguio a napateg a namonitor dagiti kanayunan a dua nga indibidwal a naapektaran iti mpox iti siudad.
Iti panakaiuman iti Bombo Radyo kenno Dr. Brillantes, nabilin dagiti pasyente nga agtalinaed kadagiti pagtaenganda apaman a namonitor dagitoy ken naipasidong iti swab testing.
Malaksid kadakuada, nabilin metlaeng dagiti close contacts dagitoy nga agtalinaed kadagiti pagtaenganda uray idi maur-uray paylaeng ti resulta ti swab test dagiti dua a suspected case.
Mainaig iti dayta, nalpas metten ti isolation period kadagiti immuna a dua a nakumpirmar a kaso iti mpox iti siudad nu sadino, sigun metlaeng iti nasao a doktor ket cleared dagitoyen iti mpox.
Nupay kasta, agtultuloy latta a maiyunay-unay iti publiko ti panagturing dagitoy kadagiti pagagasan apaman a makariknada iti sintomas iti nasao a sakit.//Bombo Rob Dominguez
