BAGUIO CITY – Naiyuswat ti kanayunan a Negosyo Center sadiay Sablan, Benguet.
Sigun ken Department of Trade and Industry (DTI) – Cordillera regional director Juliet Lucas, maysa daytoy a wagas ti ahensya a mangidanon iti nagduduma a serbisyo kadagiti Micro, Small, and Medium Enterprises (MSMEs) ditoy lokalidad.
Inlawlawagna a panggep ti Negosyo Center a matulungan dagiti MSMEs a makikoordinar kadagiti maseknan nga opisina para iti nagduduma a serbisyo.
Karaman iti daytoy ti pannakaipaay ti konsultasyon kadagiti MSMEs para iti registration ken information dissemination mainaig iti panagnegosyo.
Mainaig iti dayta, nangiyuswat pay ti DTI Cordillera iti maysa kadagiti recovery program ti ahensya partikular iti Pangkabuhayan sa Pagbangon at Ginhawa (PPG) Program a nakaiwarasan dagiti livelihood kits kadagiti babassit a negosyo a naapektaran iti COVID-19 pandemic.
