Impakaammo ti Department of Energy ti posible a panagngato pay ti presyo dagiti produkto a petrolyo inton sumaruno a lawas gapu iti agtultuloy a tensyon idiay Middle East a nang-apektar iti nationwide price ti lana.
Sigun kenni Oil Industry Management Bureau Director Atty. Rino Abad, posible a ngumato dagiti nasao a produkto iti: P19.00 kada litro ti diesel, P9.00 kada litro ti gasolina, ken P31.00 kada litro ti kerosene.
Nupay kasta, inlawlawag ti ahensiya a posible pay a ngumato dagiti presyo dagitoy gapu ta saanda pay nga inkalkyula dagiti dadduma a gastos kas iti insurance ket premiums.
Immunan nga impakaammo ti ahensiya nga agkiddawda kadagiti oil company a in-inutenda ti panangipangato ti presyo dagiti produkto a petrolyo tapno saan a maklaat dagiti motorista. //BomboKCS