BAGUIO CITY – Maiyaw awis iti publiko dagiti kanayunan ken nagduduma nga aktibidad para iti Sports Events ti Saleng Festival ditoy Baguio City.
Maibasar iti naituding nga aktibidad, maipatungpal inton Hunyo 11 ti Go Cart Race, Hunyo 12 ti Boat Competition ken Fishing
Kadagiti interesado a makipaset kadagiti nasao nga aktibidad, nakalukaten ti registration iti Malcolm Square agingga inton biyernes
Maipalagip a maramrambakan a tinawen ti Saleng Festival iti uppat a bulan isut gapuna nga agleppas daytoy iti bulan ti Setyembre nga addaan ti nagduduma nga aktibidad a pakairamanan iti panakaiparada, exhibit ken panakabigbig dagiti kapintasan a Tree Cart; ti nagduduma nga obserbasyon iti panangbigbig ken panangsalaknib iti nakaparsuaan ken ti panakaisayangkat ti Green Thumb Awards ken Cycling for the Environment.
Manamnama a babaen iti selebrasyon ti Saleng Festival ket maguyugoy dagiti umili ti Baguio nga agbalin nga aktibo a partners ti lokal a gobyerno iti urban forest stewardship management program.
