Impakaammo ni Ombudsman Jesus Crispin Remulla a maipaulog ti adu nga arrest warrant intun sumaruno a dua a lawas, para kadagiti maatap nga adda ti pakainaiganda iti naanomalyaan a flood control projects iti pagilian.
Sigun kenni Remulla, awan ti naipaay kadakuada a deadline tapno masigurado a masurot ti due process.
Kabayatanna, nai-reffer iti Ombudsman ti nagan dagiti sumagmamano nga agdama ken sigud a Senador a nairaman iti flood control fiasco.
Pakairamanan daytoy ni sigud a Senate President Chiz Escudero, Sen. Mark Villar, ken dagiti sigud a Senador a da Nancy Binay ken Grace Poe.
Nupay kasta, impetteng ti Independent Commission for Infrastructure (ICI) a kasapulan ti kanayunan a whistleblowers ken testigo tapno mapaneknekan ti pakainaiganda iti isyu.
