BAGUIO CITY- Pormalen a nabigbig dagiti kandidato a nangabak iti nagduduma a lokal a posisyon iti Baguio City para iti elections 2022.
Kasaruno daytoy ti naangay nga official proclamation dagiti nangabak a kandidato idi Martes, Mayo 10 kalpasan a siento porsieno a nai-transmit amin ti resulta dagiti botos.
Iti kina-Kongresista ti siudad, nangabak ni relectionist Congressman Mark Go iti botos nga 99,372.
Ituloy met da Mayor Benjamin Magalong ti panagserbida kalapasan a nakaala iti 70,342 nga botos ken ni Vice Mayor Faustino Olowan iti 65,897.
Karaman met kadagiti nangabak iti kina-konsehal wenno dagiti magic 12 da Councilors Benny Bomogao – 71,441; Jose Molintas – 69,862; Arthur Allad-iw – 68,923; Betty Lourdes Tabanda – 67,108
Leandro B. Yangot Jr. – 66,130; Isabelo Cosalan Jr. – 65,398; Maria Mylen Victoria Yaranon – 62,408
Elmer Datuin – 60,844; Peter C. Fianza – 60,283; Vladimir Cayabas – 58,783; Fred L. Bagbagen – 58,300 ken Lilia Farinas – 58,145.
Immunan a naideklara dagiti nangabak iti kina-Congressman, mayor ken bise-mayor idi rabii ti Mayo kalpasan a naisubmirit ti botos manipod kadagiti 273 a clustered precints iti intero a siudad.
Kabayatanna, Inproklaman ti COMELEC Benguet ni Benguet Congressman Elect Eric Go Yap bayat a naiproklama kas Benguet Governor ni Elect Melchor Diclas ken Benguet Vice Gov ni Elect Felipe Tagel kasta metten dagiti myembro ti Sangunniang Panlalawigan District 1 a da Johanes Amuasen, Florencio Bentrez, Zander Fianza, ken ni Nazarro Coy.
