Naangay ti Kapihan sa Benguet, ti kaunaan nga aktibidad para iti Adivay 2024.
Iti nasao a kapihan, impakaamo ni Governor Melchor Diclas nga adda ti P8 milyon a nailatang a pondo para iti panakarambak ti Adivay kasta met a ti maysa a kangrunaan a mapadpadaanan iti daytoy ket ti Agri-tourism.
Ti Agri Tourism fair ket adaan iti tallo nga aktibidad a naituding a maipatungpal a mangrugi inton November 13, 2024.
Ti umuna nga aktibidad iti daytoy ket ti Nateng ay Nataguan Cook Fest a maangay inton November 14, 2024 sadiay Wangal, La Trinidad ken ditoy a maipakita dagiti nagduduma a kita ti recipe iti probinsya.
Maikadua nga aktibidad ket ti Farmers Day a maangay inton November 21, 2024.
Daytoy nga aktibidad ket mangipakita kadagiti talento dagiti mannalon a naamoanda kadagiti nagduduma nga agricultural stakeholders.
Ti maudi nga aktibidad ket ti Kadiwa ng Pangulo a na-intstiutionalized tapnu maipasigurado ti food security ken ti affordability dagitoy.
Maipalagip a ti Benguet ket nabirngasan a Salad Bowl iti Pagilyan a Pilipinas gapu iti ado a produksyon daytoy iti nagduduma a natnateng kas iti wombok, patatas, carrot, radish ken daduma pay.//Bombo Noveh Organo
