--Ads--
Binilin ni Philippine National Police (PNP) Chief General Jose Melencio Nartatez Jr. dagiti kameng ti pulisya iti intero a pagilian a saan dagitoy a ma-provoke kadagiti maipatungpal a tignay-protesta inton Mierkules, February 25 kagiddan ti panakalagip ti maika-40 nga anibersaryo iti Edsa People Power Revolution.
Inyunay-unay ni Nartatez ti panagtalinaed dagiti kapulisan a propesyunal, neutral, ken disiplinado.
Karaman pay iti impalagipna ti maximum tolerance ken ti panangliklik iti saan a nasisita a komprontasyon.
Sigun kenni Nartatez, ti pigsa ti maysa a pulis ket saan a marukod iti kinapigsana nu di ket iti kabaelan daytoy iti restraint ken sound judgement.
