Agtaltalinaed ti ragsak ken nalaus a panagyaman kenni Engr. Craig William Ferrer kalpasan a nagun-odna ti Rank 4 iti kaleppas a 2024 Civil Engineers Licensure Examinations.
Iti interview iti Bombo Raydo kenkuana, kinunana a nagdiretso daytoy iti innem a bulan a review kalpasan ti panaggraduarna iti unibersidad.
Sigun kenni Ferrer, walo nga oras iti tunggal inaldaw ti bubusbusenna iti panagadal bayat a dagiti dadduma nga oras ket para iti panaginana na.
Kas iti kaaduan, nalaus ti ragsak dagiti pamiliana kalpasan a naipablaak ti resulta ti nasao nga eksaminasion.
Iti baet dayta, innaklonna a ti eksaminasion dagitoy ti karigatan iti amin nga eksaminasion a napadasanna.
Nupay kasta, babaen iti motibasionna iti pamilia a nabuyugan iti kararag ket impapatina.
Malaksid iti dayta, dakkel ti panagyaman ni Ferrer iti Department of Science and Technology (DOST) gaputa napagasatan daytoy kas maysa nga scholar ti nasao nga ahensia.
Ni Ferrer ket naggadal iti uppat a tawen iti St. Luis University iti siudad iti Baguio ken bin-ig iti Pangasinan.//mp4
