BAGUIO CITY- Naibinsa-binsa ti kangrunaan a karit a sangsangwen ti Commission on Elections iti rehion Cordillera tunggal maisayangkat ti Voters registration.
Iti interview ti Bombo radyo kenni Atty. Julius Torres, Regional Director ti Commission on Elections-Cordillera, kinunana a maysa a karit a sangsangwenda ti kinakurang dagiti Election registration forms.
Malaksid iti dayta, agbalbalin a karit metlaeng iti nasao nga ahensia dagiti makina wenno daan a Voters registration machines.
Sigun kenni Atty. Torres, dadduma kadagitoy ti agar-aramat ti bukoda a Camera, tapno laeng adda ti usarenda iti Voters registration.
Innayon ni Atty. Torres a daytoy ti pamay-an dagiti dadduma iti COMELEC nangruna ket narigat a dumawat ti pondo iti gobierno.
Iti baet dayta, impanamnamana nga aramidenda ti karbengan dagitoy tapno maakomodarda dagiti agparehistro a botante.//mp4
