Inakseptar ni Stephen “The Sniper” Loman iti Team Lakay ti karit ni Fabricio “The Wonder Boy” Andrade nga agbalubalda para iti kampeonato iti ONE Bantamweight World Championship Belt.
Maipalagip a kinaritna ni Loman idi kalkalpas unay ni Andradre nga inabak ni John Lineker babaen iti Technical Knockout idi Sabado bayat iti ONE Fight Night 7 idiay Bangkok.
Sigun iti Brazilian Mix Martial Artist ken agdama a kampeon iti nasao a dibisyon, patienna a tarigagay ni Loman a magun-od ti Bantamweight Belt.
Sigun met kenni Loman a saan isuna nga umatras iti karit ni Andrade ken tarigagayna a lumaban kenni Loman aniaman a panawen ken aniaman a lugar.
Iti agdama ket adda ni Loman iti maikatlo nga spot ken addan iti record a 3-0 iti Singapore Promotion sipud idi nangrugi daytoy iti kampanyana iti ONE Championship idi tawen 2021.
Nasemento ti posisyon ni Loman kalpasan a mangabak isuna babaen iti unanimous decision kontra kenni sigud a champion Bibiano Fernandes iti ONE Fight Night 4 idi Nobyembre.
Sigun kenni Loman, naganasan isuna idi nangngegna iti naganna aglalu ta isuna ti adda iti sumaruno a listaan ni Andrade.
Nupay kasta, kinuna ni Loman a saan isuna nga agdardaras para iti kampeonato ken kayatna nga adda iti kasayaatan a kondisyon ni Andrade nu agbalubalda.
Awan pay ti opisyal nga “announcement” manipud iti One Championship mainaig iti daytoy.
