BAGUIO CITY – Malamlamayan ita ti maysa a karpentiro kalpasan a pimmusay idi natnag manipud iti tatrabahuenna a balay sadiay Patay, Sagada, Mt. Province idi kanikadua.
Nabigbig daytoy a ni Wilbur Pantaleon, 53-anyos, karpentiro, tubo ti Masla, Tadian, Mt. Province.
Maibasar iti report, manarimaan ti panagtrabaho ti biktima iti maikapat a kadsaaran ti balay ni Mrs. Raymunda Kilongan idi nag-collapse ti ar-aramatenna a pattern board.
Gapu iti daytopy, natnag ti biktima iti kongkreto a datar iti ground floor ti nasao a balay nga addaan kangato nga agarup nasurok 30 a kadapan.
Naitaray ti biktima iti pagagasan ngem naideklara a pimmusay.