Impakaamo ti Department of Migrant Workers (DMW) a dagiti sangapulo ket pito (17) a Filipino seafarers a nakalugan iti Liberia-flagged container vessel nga MV Groton ket addan iti natalged a kasasaad kalpasan ti panakaatake dagitoy idi Agosto a tres iti agdama a tawen.
Pakabuklan a sangapulo ket siyam dagiti crew members iti MV Groton a paturong Jeddah, Saudi Arabia nupay kasta, inatake dagitoy dagiti Houthi rebels, 60 nautical miles manipud Yemen.
Sigun iti operator ti nasao a barko, minor laeng ti napasar daytoy a dadael bayat nga awan ti leakage a naobserbaran.
Iti agdama, adda ti MV Groton iti port ti Djibouti para iti evaluation.
Inpanamnama met ti Department of Migrant Workers (DMW) nga agtuloy ti panagmonitorda iti sitwasyon dagiti Filipino seafarers kasta met ti panangipaay dagitoy iti assistance kadagiti pamilyada.
