Kinumpirmar ni Engineer Jose Valera, Chief ti Disaster Risk Reduction and Management Office – Cordillera (CDRRMO-CAR) nga awan ti negatibo nga epekto ti napasamak a magnitude 4.5 a ginggined iti siudad ti Baguio.
Iti pannakiuman ti Bombo Radyo kenkuana, kinunana nga awan ti rumbeng a pagdanagan ti publiko.
Maibasar iti obserbasyon ti opisial, naannayas ti pannakaipatungpal ti duck, cover and hold kabayatan ti nasao a ginggined.
Mainaig iti dayta, nagpalagip ni Eng. Valera a saan nga agpanic ken ipatungpal ti duck, cover and hold iti kanito a masamak ti kapada nga insidente.
Iti agdama, awan ti manamnama nga aftershock ngem inyunay-unay ni Engr. Valera a kanayon nga agannad ken nakasagana.
Kabayatanna, kidkiddawen ti opisial a sukimaten dagiti saan a natalged a lugar, nangruna dagiti unstable a paset ti suidad tapno mai-stablize ken maliklikan ti anyaman nga insidente.//mp4
