Ngimmato dagiti nailista a kaso iti uram iti Probinsya iti Benguet idi napan a tawen nu idilig idi 2023.
Iti panakiuman ti Bombo Radyo kenni Fire Chief Inspector Jesus D. Yango, dadaulo ti Bureau of Fire Protection -Benguet dumanon 177 nga uram ti nailista ita a tawen.
Nangatngato daytoy ngem iti 113 fire incidents a nailista idi 2023.
Mainaig iti dayta, ngimmato metlaeng ti gatad iti danyos idi napan a tawen a dumanon iti nasurok ₱23, 265, 765 bayat a ₱9,171, 250 laeng ti nailista idi 2023
Sigun kenni Fire Chief Inspector Yango, dakkel ti ngimmatwan iti bilang dagiti uram ken ti danyos dagitoy gapu ta dagiti napasamak nga structural fires ket addaan kadagiti daddakkel a gatad iti nadadael nangruna ti napasamak idiay Puguis La Trinidad, Benguet idi laeng Nobyembre nu sadino, agdagop iti ₱11milllion ti danyos daytoy.
Nupay saan a maliklikan dagiti aksidente a mangitunda iti uram, kiniddaw ni FCINSP Yango ti kooperasyon dagiti umili ken ti panagridam dagitoy tapnu saan a ngumato manen ti kaso ti uram a mailista iti agdama a tawen.//Bombo Genzel Depayso
