Baguio City- Bimmaba ti kaso iti gastroenteritis iti ngudo ti napalabas a tawen angingga idi January 2025, nababbaba daytoy no idilig idi 2023 idi January 2024.
Maipalagip a nagraira ti kaso iti acute gastroenteritis idi December 2023 agingga iti January idi napalabas a tawen.
Nupay kasta, bimmaba daytoy iti ngudo ti 2024 agingga idi January 2025.
Iti agdama, agarup 20 a kaso ti nailista dagiti maseknan nga otoridad kalpasan a nangan dagitoy iti taraon kadagiti nagduduma nga establisiemento.
Impetteng ni Dra. Celia Flor Brilliantes, dadaulo iti City Health Officer nga agannad dagiti food establishments iti siudad gaputa nakaadal dagitoyen manipud iti napalabas a breakout.
Kabayatanna, regular metten ti check-up kadagiti water testing ken pagtataudan ti danum ti siudad ti Baguio.
Nainget metten ti palagip dagiti otoridad, kadagiti amin nga establisiemento seknan iti certificates, business permits, sanitary permit, working permits dagiti food handlers.//Bombo Genzel Depayso
