BAGUIO CITY – Bimmaba iti 51% ti kaso ti carnapping ditoy rehiyon Cordillera kabayatan ti agdama a pandemya.
Sigun kenni Lt.Col. Davin Brilliantes, deputy commandant ti Highway Patrol Group (HPG) – Cordillera, ad-adu ti natiltiliwda idi napalabas a tawen seknan carnapping no idilig ita a tawen.
Maibasar iti datos, nakakemmegda iti dua a suspek ti carnapping iti maikatlo a kwarter ti agdama a tawen.
Sigun kenni Brilliantes, bunga daytoy ti naingetan a kampanyada kontra iti carnapping ken iti agtultuloy a panagwanawanda iti nagduduma nga entry ken exit points ti rehion.
Kabayatanna, balballaaganna ti publiko iti rent-tangay a modus dagiti agtatakaw ti lugan.
Imbalakadna met ti panagturong iti opisinada dagiti kayatda ti gumatang iti second-hand a lugan tapnu kitaenda no natakaw daytoy bayat nga imbalakadna kadagiti agipapaabang ti lugan iti panangsukimatda met kadagiti kliyente dagitoy tapno maliklikan ti panakabiktimada iti rent-tangay scheme.
