BAGUIO CITY – Nakasagana ti City Health Services Office (CHSO) iti posibilidad a panagngato ti kaso ti COVID-19 siyudad ti Baguio.
![](https://img.bomboradyo.com/baguio/2020/12/Camp-John-Hay-covid-testing-facility.jpg)
Sigun kenni City Epidemiology and Surveillance Unit head Dr. Donnabel Tubera-Panes, nakasaganada iti daytoy kangrunaan iti manamnama nga epekto ti nalamiis a panawen.
Kinunana a kas iti panagbaba itan ti kaso ken transmission ti COVID-19, adu kadagiti isolation facilities ti bakante itan a nakasagana para iti kanayonan a COVID-19 patients ken iti panaginana dagiti frontliners iti trabahoda.
Kinuna ni Panes nga iti agdama, ti epektibo a contact tracing ti kangrunaan a rason tapno maammuan no asino dagiti positibo iti COVID-19.
Gapu iti daytoy, agtultuloy ti palagip ti CHSO iti panagridam dagiti umili kontra iti nasao a sakit ken ti panangpapigsa iti resistensia para iti umadani a holiday season.