--Ads--
BAGUIO CITY – Nanayonan iti tallo ti bilang dagiti pimmusay ditoy Cordillera Administrative Region gapu iti COVID-19 idi kalman.
Iti kaudian a datus ti Department of Health – Cordillera, dua ti pimmusay ditoy Baguio City bayat a maysa sadiay Benguet.
Nailista met ti 84 a bilang ti nakarekober kalpasan a 77 a pasyente ti naimbagan ditoy siudad, lima iti Benguet ken saggaysa iti probinsia ti Apayao ken Mountain Province.
Nanayunan met iti 35 ti kabarbaro a kaso ditoy rehiyon kalpasan ti 22 a nagpositibo ditoy siudad ken ti 13 iti Benguet.
Pakabuklanen a 5,135 ti kaso a nailista ditoy rehiyon nu sadino 4,353 dagiti nakarekober, 725 ti aktibo a kaso ken ti 57 ti bilang dagiti pimmusay iti nasao a sakit ditoy Cordillera.
